ក្រសួងយុត្តិធម៌បង្កើតក្រុមការងារតាមដាន ត្រួតពិនិត្យ និងវាយតម្លៃការអនុវត្តយុទ្ធនាការជំរុញនិងពន្លឿនការដោះស្រាយរឿងក្តីនៅតាមតុលាការ និងយុទ្ធនាការត្រួតពិនិត្យនិងដោះស្រាយភាពមិនប្រក្រតីនៅតាមតុលាការ
រាជធានីភ្នំពេញ៖ លោកឧបនាយករដ្ឋមន្រ្តី កើត រិទ្ធ រដ្ឋមន្រ្តីក្រសួងយុត្តិធម៌ នៅថ្ងៃទី០៤ ខែមិថុនា ឆ្នាំ២០២៤ បានចេញសេចក្ដីសម្រេចបង្កើតក្រុមការងារតាមដាន ត្រួតពិនិត្យ និងវាយតម្លៃការអនុវត្តយុទ្ធនាការជំរុញនិងពន្លឿនការដោះស្រាយរឿងក្តីនៅតាមតុលាការ និងយុទ្ធនាការត្រួតពិនិត្យនិងដោះស្រាយភាពមិនប្រក្រតីនៅតាមតុលាការ។
បើយោងតាមសេចក្ដីសម្រេច ៣៩ កយ.សសរ/២៤ សមាសភាពនៃក្រុមការងារតាមដាន ត្រួតពិនិត្យ និងវាយតម្លៃការអនុវត្តយុទ្ធនាការជំរុញនិងពន្លឿនការដោះស្រាយរឿងក្តីនៅតាមតុលាការ និងយុទ្ធនាការត្រួតពិនិត្យនិងដោះស្រាយភាពមិនប្រក្រតីនៅតាមតុលាការនេះដឹកនាំដោយលោក ជិន ម៉ាលីន រដ្ឋលេខាធិការប្រចាំការ ជាប្រធាន និងមានអនុប្រធានចំនួន ០៥រូបរួមមាន លោក នាក់ សើគីរីន រដ្ឋលេខាធិការ, លោក សេង ឌីណា រដ្ឋលេខាធិការ, លោក ឯម ច័ន្ទមករា រដ្ឋលេខាធិការ, លោក ប៉ូច សោភ័ណ អនុរដ្ឋលេខាធិការ និងលោក ឃ្លោក ដារ៉ា ប្រតិភូរាជរដ្ឋាភិបាល និងជាអគ្គនាយក នៃអគ្គនាយកដ្ឋានកិច្ចការអន្តរជាតិ និងអភិវឌ្ឍន៍វិស័យយុត្តិធម៌ ព្រមទាំងលោក លោកស្រី ជាសមាជិក និងជាជំនួយការមួយចំនួនទៀត៕
